【《男排女将》煞科】成功抄Stephy牌 ERROR队长肥仔兴奋PK

因为疫情影响，由Stephy、一众MIRROR及ERROR成员主演的ViuTV剧集《男排女将》拍足大半年，昨日终于煞科。ERROR队长肥仔趁机向「女神」邓丽欣（Stephy）「抄牌」，肥仔话:「今次最大嘅得著就系我捧住ERROR嘅精神走去抄咗Stephy牌。」而Stephy亦非常大方留低电话，肥仔一脸难以置信地开心大叫，更出现间揭性失控突然奔走，之后有人提醒肥仔叫佢试打，Stephy电话飞到留言信箱。

正当大家取笑肥仔「食柠檬」时，Stephy即拿出手机递畀肥仔睇，画面有佢嘅「未接来电」，成功「抄牌」兼畀Stephy肯定嘅肥仔兴奋尖叫加O嘴加丧跑，唔觉意仲跣脚PK，好彩够厚肉，无事。

当肥仔将「抄牌」短片上载ig，并留言，「我人生又成功解锁咗一项」后，Stephy即留言：「冇咩事唔好搵我！」相当玩得！