【撞样】疫情下变身厨神喂饱老公杨千嬅身形暴胀激似幸福麦洁文

2020-06-22 09:30

向来注重健康嘅杨千嬅和吴君如，原来喺父亲节下午结伴去咗郊外行山，期间仲机会难得见到日偏食，千嬅即时影相留念。而两人足迹被Fans Amy Wong野山捕获。虽然千嬅同君如都冇化妆，加上疫情下要保持社交距离，但仍乐意被拉住合照。Amy大赞两人冇架子好nice，既漂亮而且好瘦，喜欢她们的电影和唱歌...将继续成为两人嘅粉丝。

不过，喺疫情下，千嬅大部份时间留喺屋企抗疫，变身厨神，天天煲汤水、整曲奇饼、苹果批、蛋糕等美食喂饱老公丁子高及囝囝Torres，自然出现幸福肥。见一身行山装束，以真面目示人的千嬅，明显身形暴胀咗唔少，加上素颜look，骤眼睇有啲似65岁嘅麦洁文喎！好彩Kit Man都系幸福师奶，仲系唱得之人，又有老公江华爱锡，其实似佢都唔错啫。