同陈曼娜向麦子乐争宠　李静仪绑起「奶奶」惩罚

Super Girls成员李静仪（Heidi）早前夥麦子乐、陈曼娜（Manna姐）拍摄网络短剧《如何对付我的港女新抱》，剧中Manna姐与新抱Heidi大斗法「争宠」，非常搞笑！对于首次跟Heidi合作，Manna姐对这位后辈赞口不绝，她说：「如果我有咁靓的新抱就好，真系靓到不得了，子乐都唔错，有智慧。」听罢麦子乐即说：「唔错？其实我都唔弱，我有埋外型，全部都系胸肌、腹肌。」问到最难忘的一幕？Heidi表示：「有一场戏我特别深刻，就系绑住Manna姐，要惩罚你，不过呢一幕在剧中系我幻想出嚟，我自己好开心咁幻想。」Manna姐就说：「如果系真就大整蛊，呢个新抱几百厌。」

现实中Manna姐亦有一位外籍新抱Amy，她直言与对方关系很好，未出现过婆媳斗法，她说：「佢系洋人在外国生活，大家虽然唔系一齐住，但佢都好有中国人美得，佢识煮中国菜，而且好尊敬我，是非常难得的。」至于仍未结婚的Heidi则卖口乖：「如果结婚都冇得担心婆媳关系，而我都好想有一个好似Manna姐咁靓咁潮嘅奶奶，好似冇代沟。」𠱁得Manna姐非常开心。而麦子乐坦言现实中与母亲关系非常好，他说：「妈咪当我系男朋友，所以如果女仔要入门，一定要过到佢嗰关。」