【sweet爆】为陈嘉佳庆生食Omakase 何远东获寿星女喂食寿司

2020-06-01 19:45

扬言喜欢开朗活泼女仔，被指跟「细细粒」陈嘉佳(小宝)外型好合衬嘅何远东「找数」帮细细粒庆生。5月29日系「细细粒」35岁生日，昨晚何远东抽空请寿星食Omakase(日本料理厨师发版)，不过唔系二人世界，同场还有「细细粒」经理人John及好友张秀文(Sammi)。何远东唔避忌揽实寿星女影相，「细细粒」亦欣然接受，望住何远东心心眼。

「细细粒」最爱就系食，当晚嘅厨师发版食得相当丰富，包括有拖罗、生蚝、带子、海胆等，食物质素也相当高，「细细粒」食得相当兴奋，更亲自喂何远东食寿司，两人相当Sweet。

何远东留言：「找数啦（陈嘉佳）生日快乐好朋友，继续同你庆祝生日，最紧要身体健康，今餐饭满分，美食不能尽录，请睇story。」小宝留言：「生日饭脚，年年都系佢哋，因为我哋系好朋友罗。」有网民追问小宝系咪同东东拍拖？又有指两人好合衬。