星岛日报

【头条独家】最爱同靓仔合作 谭玉瑛大赞黄庭锋令佢开心

2020-05-29 20:00
阿谭最锺意同靓仔合作,所以绕住黄庭锋手臂唔放。两人边做节目边食好嘢。
阿谭最锺意同靓仔合作,所以绕住黄庭锋手臂唔放。两人边做节目边食好嘢。

TVB饮食节目《香港原味道》播到第四辑,今辑由谭玉瑛夥拍「小鲜肉」黄庭锋、孔德贤及林正峰做主持。其中黄庭锋跟足阿谭两年,做足四辑成为「铁脚」,点解有得留低呢?谭玉瑛即说:「因为佢靓仔罗,去到边度拍嘢,人哋未知佢乜名,都只系话:『乜你咁靓仔嘅?』」搞到在旁嘅庭锋面都红埋。采访:方骞平

阿谭最锺意同靓仔合作,所以绕住黄庭锋手臂唔放。两人边做节目边食好嘢。
阿谭最锺意同靓仔合作,所以绕住黄庭锋手臂唔放。两人边做节目边食好嘢。
庭锋被安排落田耕种体验农夫生活。
庭锋被安排落田耕种体验农夫生活。

31岁嘅黄庭锋(Telford)入行前曾经喺国际学校教体育,就算做咗艺人都继续修读中文大学嘅体育文学硕士课程。谭玉瑛对黄庭锋赞不绝口:「佢除咗好靓仔,仲好亲切,有晒《香港原味道》需要嘅嘢。我最锺意同靓人合作,咁会开心啲,加上佢又做到嘢。」黄庭锋就卖口乖:「重点系我由第一辑开始跟边个学嘢呀?咪系由细睇到大嘅谭玉瑛姐姐罗。」问到黄庭锋跟李家鼎,阿谭最Like边个?她笑说:「同鼎爷合作好唔同,佢要show quali,我就好似学生咁不断学嘢,学到嘅嘢可以放喺《香港原味道》施展吓。」

林正锋、谭玉瑛、黄庭锋、孔德贤是第四辑节目主持。
林正锋、谭玉瑛、黄庭锋、孔德贤是第四辑节目主持。
两年前拍第一辑,黄庭锋跟谭玉瑛及吴幸美学嘢。
两年前拍第一辑,黄庭锋跟谭玉瑛及吴幸美学嘢。

第一次耕种
黄庭锋就指谭玉瑛姐姐对食嘢好有热情:「每次拍嘢佢会入去厨房睇晒所有嘢,每样嘢都想参与,虽然佢喺呢行咁耐,但热诚冇减退。」阿谭反问:「唔系话我为食呀?」《香港原味道》不停添食到第四辑,阿谭表示因为好多上咗年纪嘅观众想搵返回忆及味道,而今辑最大变化系加入后生仔研发嘅本地食物。庭锋仲畀导演安排去耕种两亩田,一手一脚翻土、疏苗、搭棚、播种等,他形容攰到不得了,但系一个新体会。

黄庭锋曾经喺台庆颁奖礼中提名角逐「男配」及「飞跃」奖。
黄庭锋曾经喺台庆颁奖礼中提名角逐「男配」及「飞跃」奖。
黄庭锋同何广沛及李佳芯合作拍过电视剧《爱美丽狂想曲》。
黄庭锋同何广沛及李佳芯合作拍过电视剧《爱美丽狂想曲》。

最新回应

關鍵字

相關新聞

热门文章