入长洲Camping住蒙古包　杜德伟囝囝High爆跳「弹牀」

58岁杜德伟（Alex）与太太李晓冰（Ice）结婚8年，育有一3岁儿子Alex Junior（AJ）。荣升老窦后，有仔万事足的Alex经常带囝囝周围去，好似日前他们一家便搭船入长洲露营，此趟仲选择住在蒙古包里，今日Ice就于囝囝的Instagram分享了一段影片，并留言Hashtag搞笑称「仔啊嗰张唔系弹牀」、「AJ好开心」，片中见AJ一边在牀上跳一边大声「啦啦啦……」哼着歌，十分兴奋！其实，Ice于前一日才透露囝囝在船上已经笑到见牙唔见眼，可谓未出发先兴奋，一众网民睇见AJ萌照都大赞「好得意」、「开心果」，不过妈咪留言：「AJ话：好开心今日去camping。我话：啲蚊开心啲。#长洲 #好彩仲未到真正夏天 #长洲啲蚊好饿 #AJ又香又甜 #AJ好开心」