【头条独家】同喇英夹7位数开工作室 张建声遇疫情迫转型共享空间

张建声去年中首部监制和主演的电影《作家的谎言—笔忠诱罪》上映，遇着社会运动令票房失利，之后他索性开发搵钱门路，跟喇英夹份投资7位数在葵涌开设工作室，自用之馀兼分租畀其他拍摄单位，结果又碰上新冠肺炎，阿声坦承觉得是人生谷底，为免白交租，喇英想到变阵改做共享室间分租，有望止蚀，而他们又积极搞创作，希望为将来巿道复苏做好准备。撰文：杜淑霞 摄影：李维隆

最初阿声兴起搞工作室念头，全因去年尝试做监制开始，「拍戏租开场地都知几贵，好似租便利店或者士多，两、三个钟都要当一日咁租，小弟监制完，阿英做开导演都知几花钱，但啲钱可以留喺第二个位度用，倒不如我哋自己成立一个for拍摄用途多啲嘅studio，陈设定啲景，畀自己拍摄，亦都可以租畀业界。」

怎料继社运后再遇上疫情，令他们大失预算，阿声说：「小弟已经有个重击，《作家的谎言—笔忠诱罪》票房真系麻麻，再到我哋租咗呢度，装修差唔多完成，谂住开嘅时候，疫情爆发，呢个直情系我人生谷底，（阿英：走都走唔甩）我哋落晒搭，我哋都系做啲正职啫，点解要咁样对我！So what！咁就死点算呢！」



幸好畀阿英想到转型共享空间分租，至少不用白交租，阿英说：「我哋呢行好多都系freelance，都想有个地方摆吓嘢，或者聚埋一齐有个地方做嘢，将个地方分租畀人，而大家做紧唔同行业，有个地方做嘢之馀，又可以将个网络扩大。」趁这个搵租客阶段，两人同时继续努力搞创作，为将来准备，阿声说：「难听啲讲，革命时期又好，瘟疫时期又好，文艺复兴特别劲，冇嘢做创作灵感特别多，大家度多啲嘢，等疫情冇嘢，巿道好番，就可以出去搵机会。」