【女人四十】获张文慈补祝生日张栢芝师奶生活多充实

2020-05-27 11:00

40岁张栢芝不愁寂寞，每天过得相当充实，日日喺IG update生活点滴，包括早上5时起身，叫醒两子起床，再带住幼子Marcus(张礼承)送Lucas（谢振轩）、Quintus（谢振南）返学，然后买餸、再接放学、煮饭，期间只得一小时小休时间…

限时动态中，Quintus遗传了妈咪贪靓性格，连穿运动服返学都要拣波鞋嚟衬，搞到迟迟未出得门口，栢芝就催促儿子说：「唔使拣啦，返学啫！唔好谂咁多嘢，唔系shopping，迟到啦！」Quintus睇咗一轮，本想拣珍藏嘅Jordan篮球鞋，却被栢芝制止：「先生！呢对not for sale only」，Quintus提高声音扭计话：「don't care！」而栢芝都唔弱，昨晨冒住大雷雨驾车送儿子返学前，她自拍说：「怕淋雨会摄亲，会有头风，所以戴咗顶紫色冷帽，衬浅紫色衫，粉红色口罩加粉红色手袋(名牌包包)，今日有个难题，谂唔到着乜鞋，大家话我衬边对鞋比较好呢？」不过，栢芝戴嘅口罩太大，简直离晒大罩呀！

又食又拎好开心

忙完一天，晚上应教会好友张文慈（Pinky）邀请补食生日饭，戴住黑超及自家品牌渔夫帽及防疫风褛的栢芝笑晒口，心情十分开朗，她在IG再出Po说：「收完礼物仲请食饭添！」而Pinky也出Po留言：「补祝栢芝生日快乐，迟来的祝福～wish u all the dreams come true ❤」她不忘为栢芝自家制品牌时装大卖广告：「看到栢芝戴的新帽设计，好靓喎！我又要」！栢芝回话：「感谢您多谢你的祝福，也希望你同样得到无限的祝福！」