获三名家佣送蛋糕 张栢芝四十岁生日多惊喜

张栢芝昨日啱啱过咗40岁生日，最感动大仔Lucas（谢振轩）好懂事，全日陪住妈咪，栢芝形容呢个系天下父母最好嘅礼物。而二仔Quintus（谢振南）就喺平板电脑写上心意字句，仲用栢芝最锺意嘅名牌手袋颜色衬底，好有心思。

 

正日生日当天，栢芝带同三个宝贝仔出外庆生，大热天气先去畅泳，再带Marcus去买玩具车，之后扮靓靓，拎住最爱嘅名牌手袋，抱住Marcus出动去食生日饭，生日饭拣食西餐，包括有黑松露芝士焗扇贝、芦笋西班牙火腿沙律、烧牛肉等，图中见碟碟几乎扫清，大人细路应该开心到不得了，Marcus仲车不离手。

 

饭后回家再有惊喜，栢芝获家佣送上生日蛋糕庆生。原来栢芝家中共有三个工人姐姐，工人姐姐等她回家后切蛋糕，还为她大唱生日歌，看来主仆关系不错，栢芝就拍片话：「好开心呀！希望每个人都身体健康，呢个系我生日愿望。」由于疫情下要更加注重卫生，栢芝叫儿子帮手拍掌，用掌风嚟弄熄爉烛。