【单身狗入嚟】不断失恋唔使惊《吓鬼女朋友》吓到你识谂

近年嘅泰国电影相当出色，乜题材都有，爱情片够甜，笑片真系好爆笑。最新有集爱情、搞笑及惊栗于一身的《吓鬼女朋友》，由泰国男神Mario同泰国国民初恋Ploy主演，男嘅曾演在港票房唔错的《吓鬼阿嫂》，之后亦曾拍港产片《感动她77次》，跟周柏豪、蔡卓妍有对手戏。

而女主角Ploy同韩团Blackpink的Lisa如孖妹，因为生得甜而被泰国人公认为「国民初恋」，ig有成34万Follower。主角有样都要有好剧本Back Up，《吓鬼女朋友》讲啲乜?讲年青人想拍拖但遇唔到啱嘅人，拍吓又散无限Loop。电影就同大家对症下药，分析你单身的原因，新闻稿咁写：「『做人太方丈』、『太与别不同』、『太烦』、甚至是『见到鬼』都可以是单身原因。电影就教大家如何治疗破碎的心，重拾对爱情的信心之馀亦教你如何『看到』爱情。」

戏中女主角林从小有阴阳眼，但怕锺意嘅人以为自己黐线而一直冇向佢哋坦白。长大后林再遇到白马王子，但经常见到鬼的她令男朋友觉得她太神经质，最后分手。一次又一次的心碎经历令林决定出走郊外静一静，再入住「失恋隔离营」，与世隔绝，重整旗鼓。入营后她遇上同样都是单身的营友普，普一向都不信世上有鬼，但因为要为鬼片找写作灵感，特意走到深山，就遇上有阴阳眼的林，二人相处由打打闹闹到互生情愫，临门一脚前男友再次出现，好曲折呀。