【46岁牛一】囝囝锡锡老公轻挨 周汶锜灿烂笑冇乜纹

两个月前，名模周汶锜(Kathy)嘅法籍老公Julien被杂志影到喺深水湾揽啜外籍女，不过，之后Kathy好快喺ig开Post「感谢我的家人和朋友，这些年来大家一直很关心我，爱护我。不好意思，最近让你们担心了！这是一个人生重要的功课！我们会努力把功课做好，从中学习，领悟，进步！我俩仍然相信「爱」能改善彼此关系，也是化解问题的源头力量！」一家人齐齐整整，冇事就好。

寻日，Kathy 46岁牛一，喺520生日，有双重意义，寿星贴咗张两个混血靓囝囝Jacques（4岁）及Avner（2岁）肉紧锡佢嘅相，Kathy笑得好灿烂，虽然眯晒眼，但佢对眼都无乜纹，46岁但完全无老态，好劲。而蔡一智亦有同老婆跟Kathy庆祝，从佢Post出嚟嘅相可见，Kathy老公挨住老婆影相，一天光晒，咁咪好罗。