520父子晒爱　黄祥兴狂咀萌爆囝囝劲High

昨日「520（我爱你）」网络情人节，不少Couple都于社交网贴合照放闪，已为人父的黄祥兴就比较另类一点，他并没有晒与爱妻Peggy的相片，反而上载了一条父子咀嘴片！片中，3个多月大的细仔Damien躺在梳化上，祥兴就疯狂地一啖一啖锡落囝囝嘴仔度，非常有爱；当爸爸锡到第3啖时，本来好似嚿番薯、唔知发生乜事的Damien亦都开始好兴奋，眨晒眼、笑晒口之馀，一双好似面团的手仔仲系咁揈，连黄翠如姨姨都忍唔住留言：「Sosososo sososososo cute.」相信翠如同萧正楠将来个Baby都一样咁cute，快啲生番个啦！