陈豪夫妇朱千雪贺牛一刘倩婷生日愿望再为李丞责添子女

2020-01-19 20:00

本月24日为李丞责博士太太刘倩婷(Sandy)的34岁牛一，因为撞正年三十晚，一班老友如陈豪夫妇、朱千雪及岑杏贤提早跟Sandy贺寿。问到索妈的生日愿望，佢话开心和平同健康最紧要，另亦希望快四岁的囡囡李仟辰开心，开心方法之一就是为她添个细佬或细妹。Sandy笑言，「考虑中，要问老公先，但佢呢期好忙，仲未覆我。」麻烦李博士睇到呢篇报道就尽快覆一覆李太啦。撰文:廖思慧

年三十晚加牛一，Sandy话本来要做Live节目，但好彩可以录影先，所以有时间同家人食饭之馀仲可以同朋友一齐庆祝，「等囡囡瞓咗可以同朋友玩吓啦。」

朋友送时间已好开心
问到李博士有否透露少少买咗咩生日礼物?Sandy表示有时间食餐饭已经好好，唔好嘥钱。之后恨追B的她还笑言，「希望佢可以送份礼物畀个女。」Sandy表示以前一直是「一Child会长」，但囡囡慢慢大就开始动摇，心谂系咪可以追多个。

提到老友陈豪夫妇、朱千雪及岑杏贤跟她食生日饭，Sandy非常开心。「我无刻意提自己生日，连FB都无写生日日期，但好Close嘅朋友会记得我生日，一齐切蛋糕。」问到有否收到特别嘅生日礼物，Sandy即说，「其实佢哋肯抽时间同我食饭已经系一份好珍贵嘅礼物。」Sandy特别提到陈茵媺，「佢囡囡同我囡囡出生争一个月，所以我哋经常一家人见面，过年都会去佢屋企拜年，Aimee系一个好有心思嘅人，见到佢好开心。」