【男人的浪漫】约埋森美张继聪dress code玩私影 张振朗女友明赞放闪

一班麻甩佬约埋除了做运动、踢波同劈酒之外，其实仲有好多嘢玩，讲的当然并非「多人运动」呢种啦！仲有啲好浪漫的玩意，就好似森美、张继聪同埋张振朗咁，揸住架深爱电单车，去到山旮旯咁远，仲有埋dress code摆晒甫玩私影，都咪话唔开心呀！森美就好简洁咁留言：「唔写啦，男人私影，原来咁开心！」到张继聪就话：「去到山旮旯，摆甫士，依份坚毅，唔系人人有......不过，我地有」至于张振朗留言冇乜特别，只写道：「个份坚持就系无论有几热都好，件军褛都唔可以除，因为琴日dress code系 #vintagemilitary」虽然啲靓仔相，真系影得几型，但最闪反而是张振朗女友杨偲泳（Renci），在张继聪同张振朗合照贴文度留言话：「右边几型左边仲型」当然左边嗰个就系指男友张振朗啦！张继聪就回应她，「有d嘢好主观好盲目嘅」Renci再覆：「冇计头先有把刀行住条颈」最正是跟住张振朗亦加埋把口话：「其实佢系（喺）我面前唔系咁讲.....佢话你型好多......我系番薯......」张继聪再回覆张振朗：「口不对心，女仕专利」又同Renci讲：「叫你唔好赞得佢太过分？」好彩张继聪冇畀呢对小情侣闪盲啫！