5分钟学懂吹奏色士风　姜涛望回报教林奕匡跳舞

姜涛@Mirror与林奕匡（Phil）最近在唱片公司撮合下首度合作，二人坦言私底下并不认识，只曾在工作地方碰过面。今次二人除了演绎姜涛《亚特兰提斯》及Phil《难得一遇》外，Phil更充当音乐老师即席教姜涛吹色士风。作为老师，Phil窝心地在拍摄前一日为姜涛准备全新的簧片及吹嘴，现场所见，身为学生的姜涛很用心聆听Phil的教导，结果在短短的5分钟内，姜涛已学识吹奏一首简短的儿歌，速度惊人。

事后姜涛兴奋表示：「其实同事问我有冇兴趣学色士风，我觉得OK啊！不过睇过好多人吹，唔知系乜嘢一回事，唔明点解吹一啖气会有咁多音，所以未开始学时，一心谂到Phil教我已经好有压力，但到真正开始，Phil会令你整个过程都有好多新发现，感觉好得意！」

Phil被问到这位徒弟仔表现如何？他即大赞：「好醒啊！未吹到个音已经唱到个音，而且个音仲好准添呀！哈哈！今次系我第一次教人，所以唔知系我教得啱，还是姜涛pick up得快，短短5分钟已勉强地学咗一首歌，已经好叻！」姜涛得知Phil为自己在镜头奉献了第一次，即大赞道：「你教得好好啊！不如我下次教返你跳舞！」

在今次短短的合作过程中，姜涛与Phil都对对方加深了认识，特别是Phil，他说：「不嬲睇相觉得姜涛外表有啲Cool，好少笑，但亲身接触后，发现佢系几可爱，少少得意少少怕丑。」姜涛在入行前已很留意Phil，他分享说：「今日见面对我嚟讲系好有意义，因为未入行已对Phil的歌好熟悉。本身唔多听广东歌，但我系会听Phil嘅歌，好开心有咁嘅合作机会，而且我哋都算内向又怕丑，感谢Phil迁就我讲咁多嘢。」

Phil听罢即表示：「毕竟系前辈，入行都十年，要主动啲嘅，大家都怕丑就好难做节目喇！而且听到有后辈欣赏自己嘅歌曲，或者未入行已经有听过，有影响过你，系一件好开心嘅事。」