孖Twins关智斌视像两粒钟 容祖儿：佢哋终于自我隔离完毕

Twins蔡卓妍（阿Sa）、锺欣潼（阿娇），与关智斌（Kenny）于上月24日由马来西亚工作返港，各自归家进行14日检疫隔离，今日终于完成。
阿Sa今日在社交网贴上与阿娇、Kenny联同容祖儿和郑希怡5人在隔离最后一日一起视像照，在这两小时内他们一齐运动、倾偈、食饭，不过阿Sa爆Kenny有点支持不了，还有Kenny闷到「放蚊」照。由于6格图填不满，网民提议下次找来张敬轩填补这格。
阿Sa留言：「非正式研究发现 男人真系冇咁锺意煲电话粥 #点解我哋成日都有咁多嘢倾 #话题源源不绝 #讲咗差唔多两个钟 #关斌有啲顶唔顺 #最尾出现咗 #老人与猫嘅画面 #阿娇个老细QQ #我老细呖咕 #阿祖变咗长颈鹿 #琼姐去咗凑女 #究竟关斌同边个倾紧偈？」

祖儿则谓：「寻（噚）日我地（哋）就咁倾左（咗）两个几钟 一齐做运动一齐拉筋一齐倾心事一齐食饭 有一位等极个焗猪扒饭都唔到好可怜 有一位好健康咁不停饮水 有一位不停执相倾番旧屎 有一位不停跳舞娱斌（真系得最欣赏） 最后有一位中途加入 最后因为有人Wi-Fi收得太差无故断线」，祖儿继而祝贺3人：「今日佢哋终于自我隔离完毕啦 但系仍然可以继续好似同学仔咁样倾偈 I X u all #selfquarantine #自得其乐 #阿斌啲筋好紧」。