【人人都系厨神】秘制陈记韭菜猪红 陈敏之自夸超好味

受疫情影响，好多人都要Stay Home，社交平台多咗好多「厨神Post」，时间多咗咪试吓下厨罗，好似陈敏之就系其中之一，呢排佢多咗煮嘢食，最新有呢个陈记韭菜猪红，属街头小吃，敏之话佢由细食到大，材料睇餸名就清楚晒，无错，就系韭菜同埋猪红，制作超简单，只需5分14秒就搞掂，重点系当中嘅秘制陈皮鱼蛋酱同埋蒜头，因为可以杀菌，抗疫一流，之后加鸡汤加水加酒加鸡粉加白胡椒粉加老抽加糖再加猪红同韭菜捞埋一堆，堪称零难度，啱晒地狱厨神升呢之用。

对于自己作品有咩评价?陈敏之不断讲出哗同好味，仲叫大家快啲试。