同敏之山聪饮酒庆生　伍咏薇无惧交叉感染送肉嘴

昨日（24日）是伍咏薇（伍姑娘）的51岁生日，虽然本港新冠肺炎（前名武汉肺炎）疫情渐趋严重，但伍姑娘一于少理，照旧约Friend食生日饭，继日前冒住「雾化传染」危机，唔怕变「边炉家族2.0」同朋友食火锅后，她再跟契妹陈敏之和契细佬陈山聪一齐饮Sake短聚，同场仲有老公练海棠、山聪大肚妻Apple等。

今日敏之则于社交网上载合照及短片，与网友分享当日的开心Moment，片中，众人向寿星女惊喜送上「大口仔蛋糕」，令伍姑娘开心到唱歌，仲即刻锡咗敏之、山聪和Apple面珠两啖；几杯落肚后，饮到面红红的伍姑娘再High爆跟敏之、山聪「无限kissy kissy kissy kissy，再来两轮kiss」，相信大家都好尽兴吓！不过𠵱家非常时期，见到佢哋咁亲密「咀嘴」都咪话唔惊，奉劝各位都系小心啲好！