拍MV对住空气追女仔 冯允谦自爆经常被拒绝瘀事

冯允谦（Jay）在限聚令下闭关埋头苦干写下新歌《开始倒数》，MV拍摄时更需对着空气做戏，大考他的演技；Jay自爆以往追女仔每多失败的瘀事。
Jay说：「呢首歌对我来讲好特别，因为喺我生日嗰日大家一齐听demo，然后拣咗做我今年第一首制作嘅歌，所以对自己嚟讲好有意义。」
MV中呈现世界末日前的景象，Jay穿梭于半空、沙漠、冰川、太空，所以从头到尾都是Jay在绿布景前和空气演戏，对他的演技来说是一大考验。他解释说：「今次因为要穿越时空，用上好多动画，我要飞来飞去，变咗大部份时间要同幻想嘅空间做戏，不过我一样搏到尽㗎，唱歌同弹结他都当真正上台表演咁，真系唱到成身汗㗎。」
在追逐空气中的女角时，更勾起了Jay在高中时的伤心往事，説：「导演叫我幻想自己追住空气中嘅女仔，咁我就话，我追女仔好唔叻㗎。其实呢方面我真系好唔叻，成日俾女仔拒绝，果阵喺学校嘅活动，每次邀请女同学做我partner都被拒绝，学校舞会搵舞伴都比较难，可能我嗰个省比较少华人，之后返到香港就唔会咁。」