【头条独家】年初卖楼赚600万港元李乐诗超市大手扫货

2020-04-19 19:00

唔经唔觉，TVB处境剧《真情》原来已经面世25年，主题曲嘅歌词「笑声笑声满载温馨，快乐发心内」仲好有印象。日前就见到唱主题曲嘅李乐诗(Joyce)同老公去咗铜锣湾时代广场地库超市买嘢，年初卖楼赚咗600万港元嘅佢买嘢买得好疏爽，话咁快买到成车满晒。采访:梁志明

2月尾有报道指李乐诗在本港录得首宗新冠肺炎确诊个案前沽出位于深井东村的村屋物业。土地注册处资料显示，单位以1200万元易手，以全幢面积约2100平方尺计，尺价5714元。资料显示李乐诗于15年5月以610万元购入，持货近5年，帐面获利590万元，物业升值97%。

全部食物
日前晚上7点，赚咗600万嘅李乐诗撇低三个仔同老公去行超市，见两人乜都睇，沙律酱、意粉酱、意大利雪葩、火腿等，拣咗一阵全部扫晒上手推车，应该够食一星期，两公婆一直有商有量，行足几个圈买够就埋单，Joyce着返件薄羽绒，再拎住一袋食物同老公搭的士返归。