【头条独家】 小学曾成欺凌对象 马天佑新歌望为受害者发声

马天佑（Mayao）最近推出新歌《鹿角少年》，以欺凌问题做主题。原来他小学时期也曾是被欺凌对象，试过畀霍启人等同学仔攞腰带鞭打，虽然情况不算严重，但他好明白被欺凌者的感受，加上近年这类新闻愈来愈多，所以他更加希望能为同样被欺凌者发声，希望他们不要惧怕，而社会亦能正视问题。采访：杜淑霞 服装：@casablancabrand@lancrawford场地：香港瑰丽酒店

马天佑转做独立歌手后，歌曲题材自由度更大，今次就以近年社会热议的欺凌问题做主题，「我跟填词人Oscar沟通后，用了以物法比喻自己为一只优雅嘅鹿，被欺凌只系因对方猜疑、妒忌同安全感，继而变成灰狼，他们亦身不由己地慢慢坠入黑暗。所以被欺凌嘅人要记住，我哋千万唔好逃避，因为喺无助、绝望之时，总会有人陪喺你身边。」

MV自己冇份演
小学时Mayao因身形瘦削，讲嘢又阴声细气而成为同学欺凌对象，「嗰时大约读五、六年级，试过啲同学专登行过嚟撞我膊头，甚至围埋攞条腰带嚟打我，但情况唔算好严重，我冇同屋企人或者学校投诉过，后尾我靠学做话剧，令自己讲嘢更有自信同大声咗，之后都有同啲同学做番朋友㗎！」日前其中一个曾欺凌过他的同学霍震霆和朱玲玲的儿子霍启人，仲亲自现身他的直播节目，「我同佢由细识到大，嗰时佢都有份攞腰带打我，但系后尾都有帮番我，我仲因为佢先去英国留学，我同佢讲番件事佢都记得，仲肯帮手上嚟我嘅直播节目𠻹！」

Mayao又话想凸显歌曲主题，MV自己反而冇份演，「MV讲主角喺学校被欺凌后，终于鼓起勇气偷拍欺凌者嘅罪行，自己再学习防御术，以直接同积极态度去面对一羣丑恶嘅欺凌者，我扮学生唔系太好，所以搵咗周宁帮手。」