【各花入各眼】露招牌「靓」牙劲吸Like　雷庄𠒇晒34.5C喷血「牀照」

大家仲记唔记得雷庄𠒇（Juliette）呢？
3年前，加拿大多伦多出身的Juliette来港参选港姐，虽然遭网民狠批外貌似足有「哨牙苏」之称的乌拉圭前锋苏亚雷斯，但最终都爆冷赢得2017年度港姐冠军及最上镜小姐！胜出后，面对外界种种负评，我行我素的Juliette则寸爆反击：「I Don't Care！」仲表示「喺香港嘥咗1年时间」，会尽快回加拿大积极试镜，希望勇闯荷李活做打女！

结果卸任冇耐，Juliette好快就飞回加拿大，不过时隔1年多，她的荷李活「打女梦」似乎还未实现！是否又「嘥咗1年时间」就唔知，但就频频见Juliette于社交网分享近况，除了得闲做吓运动、耍吓咏春外，她间中又做吓平面Model拍硬照，Juliette亦毫不吝啬一副好身材，经常与网民开心Share三点式、内衣照，今日她又贴出一幅性感「牀照」，大晒34.5C咪咪与纤腰！Juliette以英文写道：「噚晚瞓咗一大觉，点知一瞓醒就化好妆、Set好头，我部手机仲神奇地拍下呢张相。系魔法呀！」一觉睡醒即变靓，真系Magic~嘞，虽然倒竖葱的Juliette露出一棚招牌「靓」牙，骤眼睇仲有点《驱魔人》Feel，但一班网民都好畀面大派心心，有老外仲留言大赞「Stunning」𠻹！