【变靓啲】家居隔离无聊到扮靓自娱　关智斌「薯头」秒变型男

早前于马来西亚拍网剧《女法医JD》的关智斌（Kenny），上周二（24日）晚从大马飞抵香港后，随即展开14天家居隔离，连日来Kenny都不时于社交网交代近况，除了晒吓自家炮制美食外，又拍片分享吓家中健身实况。

来到被困的第8日，他今日就上载了一条「变靓啲」短片，片中的Kenny由一个满面须根、头发劲颓兼戴上眼镜的「薯头」，快速剃须、吹头、喷古龙水，秒变成一个大只靓仔，他写道：「今日决定执番啲眼耳口鼻出嚟，唔知点解每日搞到自己好忙⋯⋯8:00起身刷牙洗面整早餐 9:00冥想一吓（可能其实系发呆） 10:00做运动 12:00准备午餐食午餐加埋洗碗 2:00坐喺露台望吓风景点吓香薰玩吓IG 3:00踩单车 4:00冲个凉瞓一阵 5:00冲咖啡有时会喺度唱吓歌 6:00准备晚餐食晚餐洗碗 8:00有时砌模型有时弹结他有时睇书有时会同啲friend玩zoom 10:00每日最期待嘅煲剧时间（点解冇人话畀我听《我们与恶的距离》系会喊到_k 12:00用牙线再刷牙（btw买咗只薰衣草牙膏好好味）再用漱口水 1:00继续睇睇下剧瞓着咗 #好忙呀」确实，一众圈中好友容祖儿、胡蓓蔚等都觉得Kenny的一日「行程」好充实，不过都冇得出街，扮到咁靓、咁香喷喷做咩呢？