【头条独家】邻居确诊新冠肺炎吓亲 薛家燕70大寿屋企闭关

2020-04-02 21:00
当红寿星

低调过70岁生日,「闭关」家燕姐一样咁开心。
当红寿星 低调过70岁生日,「闭关」家燕姐一样咁开心。

本周一是薛家燕的70岁大寿,家住半山罗便臣道豪宅的寿星因为同座单位有人确诊新冠肺炎,并由救护车送往医院,因为有机会同Lift出入,吓亲的家燕姐自我隔离两日,直至正日生日下午才冒险外出走一转。而家燕姐原本安排于29日设宴与粉丝、学生及朋友庆祝生日,但疫情关系早已改期。不过,家燕咁有人缘,呢个70岁大寿依然精彩。采访:方骞平

薛家燕居于疫厦坦言心慌慌,男友知道后亦非常担心,第一时间叫她唔好外出,留喺屋企最安全:「大厦即时进行大消毒,每隔一个小时再例行消毒一次。其实我唔清楚确诊病人住喺边个单位,但好大机会用过同一部lift出入,加上欧美回港学生感染群组,同埋之前何雁诗曾一度怀疑中招,我同佢未婚夫郑俊弘啱啱拍过嘢,所以都惊埋一份。」

当红寿星

低调过70岁生日,「闭关」家燕姐一样咁开心。
当红寿星 低调过70岁生日,「闭关」家燕姐一样咁开心。
神秘庆生

本周一家燕姐正日生日,工作人员在家燕妈妈艺术中心为寿星搞咗个得几个人的神秘生日会。
神秘庆生 本周一家燕姐正日生日,工作人员在家燕妈妈艺术中心为寿星搞咗个得几个人的神秘生日会。

仔女秘制祝寿视频

家燕姐愈谂愈惊,「为人为己,我好有公德心,唔想畀人感染,亦唔想传染人,都系小心保重,最紧要健康,决定自我隔离。上周六本来要返新城电台做节目,但都改做phone in,得返主持人范振锋及思敏留守直播室。另外又同TVB《流行经典50年》监制提出停厂要求,直至4月8号复工,始终疫情肆虐,嘉宾唔戴口罩出镜都好高危。」 疫厦大消毒后,家燕姐估计病毒会几日后消失,所以喺正日生日,一身红当当返公司一阵。她说:「原先喺家燕妈妈艺术中心搞咗个生日会都被取消,不过,好多家长因为订咗蛋糕同鲜花畀我,所以我要返去收礼物。今年生日过得相当特别,虽然『闭关』留守喺屋企同囝囝石耀庭(Jackson)新抱陈素怡(Zoe)及细女石耀珠低调食生日饭,但身在美国工作嘅大女石佑珊不忘视像同我过生日,兼且送上惊喜,原来佢哋静静鸡邀请咗亲友、亲家、铁粉、圈中好友任达华、张智霖、陈展鹏及陈炜等拍视频同我贺寿,当然唔少得搵埋男朋友啦!」

精美画册

演唱会老闾Simon送了一份特别的生日礼物畀家燕姐,就系落重本制作的演唱会画册。
精美画册 演唱会老闾Simon送了一份特别的生日礼物畀家燕姐,就系落重本制作的演唱会画册。
Q版礼物

Q版家燕姐都系生日礼物,好搞笑。
Q版礼物 Q版家燕姐都系生日礼物,好搞笑。

体谅男友内地工作
不过家燕姐强调男友贺寿片段绝不会公开,「哈!佢呢段片我会私有化,唔公开!所有亲友每一句贺词,都令我感觉好幸福同温暖,虽然今年因为疫情冇大排筵席,亦系自96年复出以嚟第一次冇设宴,但又有另一番感觉,系一个好有爱嘅生日,相当感动,依然精彩,尤其系生日嗰日,美国返嚟嘅细女啱啱完成14日家居隔离出关,两母女第一次相见,好温馨!有呢啲仔女同媳妇,好荣幸及安慰。而演唱会老闾Simon更加赶制咗本画册畀我,做得好靓。」她又表示,因为中港两地都要隔离14日,男友在内地工作未能返港跟她祝寿,她好体谅:「咁𠵱家搭飞机都好高危,喺疫情下我哋互相关心同担心,佢都好无奈咁Message我:『希望疫情快啲过,我哋可以见面!』呢个都系我生日愿望,因为呢次系全球嘅事,人生第一次面对嘅嘢,大家都唔开心。」

群星祝寿

陈展鹏同任达华都有拍片祝贺家燕姐生日快乐。
群星祝寿 陈展鹏同任达华都有拍片祝贺家燕姐生日快乐。
小心防疫

由于居所成为疫厦,家燕姐出入都做足消毒小心防疫。
小心防疫 由于居所成为疫厦,家燕姐出入都做足消毒小心防疫。
停厂避疫

停厂前曾跟郑俊弘、谭嘉仪及赵慧珊等录影《流行经典50年》。
停厂避疫 停厂前曾跟郑俊弘、谭嘉仪及赵慧珊等录影《流行经典50年》。
学生欢聚

过往家燕姐生日一定会跟艺术中心学生及家长欢聚,今年因疫情取消了生日会。
学生欢聚 过往家燕姐生日一定会跟艺术中心学生及家长欢聚,今年因疫情取消了生日会。
大排筳席

由复出后年年生日都大排筳席,家燕姐开心笑不停。
大排筳席 由复出后年年生日都大排筳席,家燕姐开心笑不停。
隔离工作

上周六,家燕姐本来要返电台做节目,之后都改做phone in,直播室只有主持人范振锋及思敏。
隔离工作 上周六,家燕姐本来要返电台做节目,之后都改做phone in,直播室只有主持人范振锋及思敏。
關鍵字

最新回应

關鍵字

相關新聞

热门文章