【再派福袋送暖】月底返英国长住乔宝宝被儿子勒令要自我隔离14天

2020-03-16 18:26

「口罩王子」乔宝宝日前再次行善，和艺人邱晴参与「I Love You 3000」爱心福袋送赠活动，共派3000个福袋，每位65岁以上长者可获两个福袋，当中有雨伞、洗手液、口罩、饼乾。汲取过上次经验，长者先攞筹，再分三个时段去指定的食店领取，所以秩序良好，有长者开心得畀Like宝宝，大赞他好有善心，唔系沽名钓誉，好抵赞。

乔宝宝月底便飞返英国格拉斯哥定居，和妻儿团聚。对于新型冠状病毒肺炎全球大流行，疫情蔓延全球，英国也是重灾区，当地防疫物资被抢购一空，乔宝宝唯有带大量口罩及洗手液回家，供给家人及转送左邻右里。他无奈道：「虽然苏格兰疫情唔及伦敦严重，但都有200单确诊，喺家细仔停学，大仔『印度豹』Inderpal就home office，最高危反而系印籍医师新抱Manjit，因为佢出入医院，现阶段唔够医护人手，仲冇得放假。我喺当地经营嘅印度餐厅都受影响㗎，因为印度餐多数系做自助餐，疫情下唯有转做外卖。真系估唔到以前系老婆担心我喺香港嘅状况，𠵱家轮到我去担心佢哋。返英国格拉斯哥喺中东转机，中东都好高危，到时尽量唔食唔屙，戴住口罩防疫，『印度豹』叫我返到去唔好第一时间同阿妈报到，始终坐飞机都有感染风险，佢叫我自我隔离14日先好同家人相聚。」