【法证IV】克服怕血计漏一样嘢 李施嬅：解剖时好多裸体超尴尬

李施嬅和谢雪心作客TVB娱乐新闻台节目《StarTalk》，大谈合作新剧《法证先锋IV》感受。施嬅表示今次感情线重点落在她和心姐身上，说：「今次拍剧特别开心系因为剧集唔系集中讲爱情，除了案件之外，仲有亲情，我同心姐饰演嘅马姐关系好难得，有场好难演，仲好催泪。」

对于施嬅来说，剧集对白有难度，亦是她演艺生涯中最难的一部；除此之外，怕血的施嬅亦遇上一大难题，说：「我好惊血同睇恐怖片，所以为咗解剖场口，我事前做咗好多准备功夫，睇咗好多恐怖片去克服，初初真系睇到反胃，慢慢开始习惯，但我计漏咗一样嘢，就系解剖嘅时候有好多裸体，真系好尴尬，全部都系真人，个个都净系著条短裤仔，我仲要触碰佢哋。（好有艳福？）哈哈！真系男女、大只、肥瘦咩都有，睇吓你有咩喜好啦！」

心姐亦不遑多让，说：「今次为咗演活马姐角色，自己特登自创口音，我爸爸系中山人，妈妈就系顺德人，所以沟埋一齐讲，因为冇讲惯，所以都几辛苦。另外，造型方面公司造咗一个假肚楠畀我著喺衫里面，不过夏天出外景拍摄时就出晒汗啦！」

谈到施嬅感情事时，她说：「真系冇人催婚呀！呢一两年喺我事业上有好多新尝试，我有一个事业心，但你话有冇去识人，有冇人介绍，有冇Potential，系有！但系要有时间去培养感情先得，我呢一刻真系唔够时间用，而且我都唔急，太想要一样嘢通常都唔会发生，要嚟就会嚟。」