留苏州自我隔离约粉丝上网追剧 朱晨丽剧透帮何广沛生B

朱晨丽（朱朱）主演的新剧《大酱园》正在热播中，她跟绯闻男友何广沛在剧中终成眷属，但洞房后何广沛就失踪，难度她真的结婚一日就要守生寡？朱朱说：「只可以透露小满（朱朱饰）帮枫少（何广沛饰）生咗个好可爱BB，其他剧情大家自己追啦，因为疫情好多人每晚都留喺家中追剧，我依家每日都留喺屋企唔敢出街，剧中只拍咗我生仔，冇拍坐月，感觉好似喺现实生活中畀我体验下坐月，哈哈！希望疫情快啲过去，社会快啲恢复正常。」

谈到拍产子戏，朱朱大赞幕后制作相当认真：「BB其实系道具嚟嘅，但系造得几可乱真，无论皮肤同毛发，仲加埋出世时血浆，真系好迫真！」完全没有生产经验的朱朱事前上网睇片「学习」：「自己真系冇呢方面嘅经验，所以一定要做功课。今次真系拍晒成个生产过程出嚟，我就全程系咁嗌，结果搞到第二日声都沙晒。」

朱朱称将BB抱在怀里，相当感动：「真系眼湿湿㗎，完全体验到母亲的伟大。我其实好锺意小朋友，希望有朝一日能够经历女性人生嘅另一阶段，怀孕生子，拥有自己嘅血脉。」

因为疫情仍留在苏州自我隔离的朱朱做足市民责任足不出户，日前情人节朱朱全日留在家中度过，约埋一班粉丝在网上一齐追剧《大酱园》。她开心说：「同fans喺网上一齐过情人节，都好难忘。虽然仍未播完，已经开始唔舍得，拍咗差不多5个月，同大家相处好开心，好有默契，尤其系万家，希望有机会再聚再合作啦！」