拍戏太投入 Aka@SG发梦妹妹要离开爆喊

刚于2月15日度过33岁生日的女子组合Super Girls（SG）队长赵慧珊（Aka），其主演的微电影《最好的礼物》今日于网络上正式推出！微电影中，Aka首次与同公司的余洁滢（Zoe）合作，饰演充满妒忌怨恨的两姊妹。
Aka表示拍摄时心情长期处于低落和波动，充满挑战性。她透露戏中受到妹妹多次伤害︰「故事系讲妹妹出于妒忌，佢多次伤害我同欺负我，令我好心痛同伤心。」
对Zoe演出她的妹妹，Aka大赞对方「得意」，拍摄后二人也变得熟络。Aka说︰「佢真系好得意，我成日谂要唔要谂住我现实中的妹妹去代入佢，但当见到佢，就好锺意佢，好快投入，当咗佢系我妹妹咁。」

现实中与妹妹感情要好的Aka，直言靠朋友分享的经历去代入，说︰「现实中我同妹妹感情好好，不过身边朋友同屋企兄弟姊妹关系都未必咁好，有听过佢哋嘅经历，所以好快代入角色。」她又谓太入戏曾发恶梦︰「试过发梦妹妹要离开我，我第一次喊到收唔到声，起身仲喊紧，我打畀我妹妹，话我发梦佢要离开我，佢反应系『you are so sweet』，不过当时真系好惊。」
Zoe就透露与Aka在树林拍摄「摊牌」一幕后病倒，表示︰「当时系凌晨时份，而且好冻，又著高跟鞋，山路唔平，结果最后病咗，有少少伤风，导演都病咗。」问到她现实中有否曾与家姐余香凝闹得不快，甚至出现妒忌怨恨？Zoe说︰「大家实有闹交，但好快冇事，因为佢始终为我好，唔会做伤害我的事，所以唔会似微电影入面咁。而且大家由细到大一齐生活，有一排唔见都会挂住对方，会觉得冇人同我倾心事，我应该做唔到戏入面咁狠心。」