嫌难衬拒着红底迎新　林泳淘感激离巢后获欧锦棠扶持

林泳淘（Wingto）日前为香港开电视《娱乐头条E-news headline》拍摄贺年特辑，节目中，她用100元在女人街为主播马梓轩（William）购买应节新衫。其间，鬼马的Wingto笑言为了William「下半身」幸福，决定送他一条印有猫猫图案的红底，寓意鸿运当头，又希望他在鼠年凭此猫无往而不利。William对于Wingto诚意满满的祝福，即时满脸通红。被问到新年会否穿红色内衣裤？Wingto笑谓：「我曾经有一年买过红色，但发觉红色其实都几难衬，所以之后就决定买唔同颜色！因为红色自己少著，又怕浪费！」

去年Wingto被惨食「无情鸡」，幸离巢后及时获欧锦棠（棠哥）扶持，她说：「当日一收到电话我就打畀棠哥，佢好快就介绍咗一啲演出工作畀我！嗰段时间屋企人都冇畀好多压力我，好多谢佢哋！」踏入新一年，Wingto希望在事业上多作新尝试：「我系一个好锺意向外走，尝试唔同嘢嘅人！嚟紧都会为香港开电视，去台湾拍摄一个介绍素食嘅节目！我自己都有几间心水嘅素食店，希望可以拍到！」