【头条独家】首合拍贺岁片劲啱Key　周秀娜陈静遇真爱或闪婚

两大𡃁模始祖周秀娜（娜姐）和陈静（DaDa）由写真界斗到去大银幕！约10年前，两人先后推出写真集而被外界拿来比较，没想到后来双双转型拍电影，去年更各自杀入国际影展，成绩不俗！今年，她们终于首度合演贺岁片《家有囍事2020》，背景相似的二人无所不谈，原来DaDa一直好想跟娜姐合作，娜姐笑谓：「我哋嚟紧都谂住出写真，系《家》片剧照写真。」真系唔该晒！撰文：黎宝伦 　摄影：李权威　妆发：Louisa（陈静）、Amber Tse@IL Colpo Central（On Lan Street）＆ Circle Cheung@NDnCo.（周秀娜）　服装：SPORTMAX CODE（周秀娜）　场地：The Stadium Bar & Restaurant（观塘）

周秀娜与陈静于贺岁片《家有囍事2020》中，饰演一对「老千姊妹花」，讲到斗身材斗性感，片中「半裸」拍打戏的娜姐竟向DaDa笑说：「我哋要退落嚟喇！」皆因拍档张继聪爆晒肌，身材Fit到漏，其中一幕仲几乎全裸上阵，搞到DaDa面都红晒，DaDa说：「佢净系遮咗可遮嘅地方，我都算阅历无数，但嗰场戏要一路望住佢，好尴尬。」

互笠高帽
回想写真年代，未知双方对大家的印象如何呢？娜姐笑说：「我冇睇过佢本写真，但喺新闻见到女仔都会想睇，当时觉得……块面咁尖嘅？面细过我，唔锺意！讲笑啫，系吸引嘅！」并谓拍摄《家》片时，见DaDa穿贴身瑜伽衫，她都不禁望多两眼，娜姐续道：「佢同我都几相似，性格好爽、好勤力，仲好傻、好论尽。」而DaDa坦言有睇对方的写真，大赞娜姐好聪明，更一直渴望跟对方合作，仲幻想过合演闺密。

星途相似的两女特别投契，故DaDa也坦言大家心底里都好明白对方，问倾乜最多？她们不约而同笑谓：「美容！仲有男仔！我哋都觉得Chilam（张智霖）好靓仔、皮肤又好。」Dry到人夫都唔放过，想必也恨桃花吧？娜姐搞笑道：「希望继续单身！其实我嘅情路都好畅顺，因为一路都冇乜人！」虽然现时有人追，但专注工作的她表示无暇拍拖，娜姐亦不讳言：「如果遇到啱嘅人，觉得可以过世咪结罗！」目前DaDa则有了解中的人，她盼另一半能包容自己的职业及有爱心，「我较抗拒圈中人，因为我想透过佢接触多个世界，否则生活圈子同睇嘅嘢太窄，我都唔排除闪婚，始终30岁都开始要谂。」