【头条独家】准新娘婚前赶买多谢咭 倪晨曦用手臂掩口打乞嚏

就快结婚的倪晨曦(Elva)日前已经同一班姊妹身处夏威夷Maui岛举行婚前单身Party，饮红酒又学跳夏威夷舞，为答谢老友，准新娘送答谢卡畀佢哋。日前，就见到Elva一个人去铜锣湾买咭，离开时见佢打咗个大乞嚏，佢用手臂掩口，好有公德心。采访:梁志明

倪晨曦好快就同拍拖三年、从事金融的男友Vincent结婚，两人由求婚到影婚纱相走匀全世界，有钱就系任性。近日准新娘到夏威夷搞派对，母亲、妹妹及两名姨甥女率先抵达，姊妹团朱韵韵及锺浠文亦会参与倪晨曦婚前阳光与海滩单身Party。


结婚系烦㗎
Elva亦特别为出席单身Party的好姊妹准备咗小礼物，就系印上佢哋个名嘅浴衣及答谢卡。日前傍晚，素颜Elva独自去铜锣湾Times买多谢咭，因为就嚟结婚，婚礼好多锁碎嘢要记，所以Elva一脸思考样，拣咭唔系拣太耐，好快就拣到，然后讲住电话去畀钱，再行去搭的士，多嘢烦真系有样睇，唔信望吓Elva个样。