【头条独家】被港姐形象框住 向海岚认难搵对象结婚
2019-12-30 23:15 
向海岚（Anne）最近首次参与ViuTV真人骚《香港亲善小姐》，同一班前港姐杨思琦、谭小环和李绮虹等，分别去到韩国及日本参观，顺道分享参选带给她们的感受。Anne因节目仲初次去到韩国首尔，更试了多个第一次，譬如同Oppa约会。Anne坦言欣赏韩国男仔暖男一面，但论外型就并非她杯茶，她更坦承参选港姐确实有影响她的情路，令45岁的她到现在仍是单身。撰文：杜淑霞 摄影：李权威 发型：Matt Chiu@Xenter 首饰：Legacy Lab 场地：Party Huh
首次踏足首尔，Anne除了跟杨思琦齐齐试着韩服同品尝地道美食外，最难忘就是同当地Oppa约会，「韩国男仔高高大大眼蒙蒙，高大我都锺意嘅，但眼蒙蒙唔系我嗰type，但系都几窝心嘅，同我约会个男仔仲识少少普通话，都沟通到，有度我要着住短裙要坐喺楼梯度，佢即刻除咗件褛畀我遮住，真系几gentleman㗎！」
拣对象重感觉
谈到参选港姐，Anne认为这个绝对是影响一生的决定，「真系好大转变，冇参加嘅话我可能仲喺加拿大，唔知打份咩工好闷咁，唔会好似𠵱家咁多姿多采，试到咁多唔同嘅嘢，好似拍剧咁，就好似经历唔同人嘅人生，所以参选系我其中一个最好嘅决定。」
虽然港姐带给Anne不一样的人生，但同时亦影响了她的情路，「会谂人哋锺意我系咪因为我艺人或者港姐嘅身份，就好似买个名牌手袋咁，定系真系锺意我个人呢？我会多咗呢个顾虑。」不过，45岁的她仍唔心急搵另一半，「我又唔介意单身，又好enjoy喎！因为冇压力，接咩工作、去边度，都唔使同人交待，当然搵到个锺意嘅对象，又唔会咁谂嘅。」一直有追求者的Ann坦承自己都几「宅」，而拣对象就最重感觉，「最紧要大家相处到，感觉最紧要，对对象都会有要求，不过唔系条件嚟，譬如要对屋企人好、顾家、锺意小动物，因为我锺意狗仔，要有爱心。（靓仔？）冇所谓，合眼缘就得。」
最新回应