开Live忆旧事　J.Arie回味古仔惊喜开金口唱《男朋友》

J.Arie（雷深如）近日获大大小小品牌邀请做Live show，她亦忆起入行经过和一琴行有关，J.Arie说：「话说我嗰时中六，暪住屋企人参加唯一一次公开歌唱比赛，就系呢间琴行搞嘅。我初赛一下就畀人叮走咗，但竟然有初赛嘅评判搵我开始帮佢唱Demo，由嗰度开始，我就认识到唔同嘅监制，再有机会去夹Band唱唔同嘅商场、婚礼、Band show。」结果唱了大概四、五年后，毕业后获监制赏识邀做歌手，所以她对这间琴行有好大的情意结！

谈到Live期间，有观众留言点唱古天乐（古仔）的《男朋友》，J.Arie超惊讶，皆因居然有人记得上年香港电影工作者总会春茗，她与小肥、王梓轩等在台上唱过该曲，身为演艺人协会会长的古仔亦在台下，J.Arie忆述：「其实嗰刻都有啲惊佢会嬲，但古生竟然喺我哋唱到中段嘅时候，上台同我哋一齐大合唱，即刻全场超哄动！因为嗰次真系古生真真正正第一次开金口！事后亦都有唔少人话我哋真系好够胆，但自此之后，古生都间唔时再开吓金口唱歌！嗰次嘅大胆举动都可谓系我哋最美好同埋最搞笑嘅回忆！」