柬埔寨慈善探访　森美获小粉丝送画冧爆

近日仁美清叙举办「童心助学柬埔寨」，森美以慈善大使身份，与主席程瑶一起前往柬埔寨作慈善探访，程瑶说：「刚好嗰几日我哋同森美喺柬捕寨做商演，所以特别情商森美做慈善大使，佢一口答应！今次真系要多谢森美同客户鼎力支持，工作之馀都可以帮助有需要嘅人，希望佢哋长大后都可以帮助有需要嘅人，将呢份爱心承传下去。」

其间，一行人到当地学校探访，除准备了小礼物送给学生预祝圣诞节外，程瑶与森美更即席示范玩「扯铃」，后者还发挥幽默本色，大受当地学生欢迎。程瑶大爆森美于当地已有女粉丝，她说︰「森美真人好感性，我哋去探访学生上堂嘅时候，我老公介绍森美畀学生认识，点知过咗阵，有个女仔送咗幅自画图画畀森美，我见佢一收到后即刻泛起好开心嘅笑容，仲搭住个女仔同佢亲切合照。」森美则表示︰「我收到礼物当然开心，估唔到喺柬埔寨都有粉丝，我哋同学生玩咗简单游戏同送小礼物，希望佢哋过得开心，能够读更多书，改变佢哋嘅生活。佢哋嘅生活同一啲发展中嘅国家一样，因为家境贫困，无法接受正常教育。」