【头条独家】Dry爆盛女扫面膜　素颜康华见镜头即闪

人称「美魔女」的康华早前凭无綫剧《金宵大厦》人气急升，48岁的她无论戏里戏外都咁贪靓，可惜Keep得咁Fit，至今仍是「黄金盛女」。日前，Dry爆的康华独自到铜锣湾Shopping，其间发现被记者拍下素颜样后，即吓到耷低头搵路走，之后都不忘冲去药妆店扫番两盒面膜先返屋企，果然好贪靓！采访：李权威

早前热播的无綫剧《金宵大厦》中，饰演「雪花宾馆」老板Yuki姐的康华，贪靓到不惜浸「血浴」保美貌，可谓走火入魔！然而现实中，年届48的她都一样咁注重保养，除了一得闲就去美容院做Facial外，仲好勤力做运动兼饮汤水、少食煎炸嘢，如此有恒心，难怪睇落好似30几岁少艾一样。虽然她是不少熟男心目中的「女神」，但事实上，早前康华都自爆已经单身10年，甚至连绯闻都冇！

日前下午，一身Sporty Look的康华，独自去铜锣湾利园行街，穿上灰白迷彩褛、头戴太阳帽的她，打扮潮得嚟都几Young。甫走进时装店，康华望了几眼衫后，便忍唔住企定定喺落地大镜前照一照，见到镜中的自己咁Beautiful，她都好满足地笑咗一笑，所以衫都唔使买就好Happy地走了。不过，一行出门口见到有记者在场，素颜的她即刻吓咗一跳，然后9秒9好怕丑咁耷低头揿电话，仲急急脚搭扶手电梯落楼𠻹！落到地面，康华一路行一路同电话中人密密斟，之后一个快步就兜咗入一间药妆店，她先Scan吓门口位置的一堆面膜，其后再叉腰瞄吓侧边支洗面膏，继而研究咗一阵前面的防晒用品，结果最终都系行番转头，拎咗两盒面膜就去畀钱。