扮恋人忍唔住爆笑 冯允谦黄淑蔓爱火星文沟通

冯允谦（Jay）新歌《寻找白金汉》最近在多个流行榜中夺得冠军，公司特别安排年纪虽然比他小，但较他早加入公司的小师姐黄淑蔓 （Feanna）来一个圣诞合唱版《寻找白金汉之You're My Buckingham》。
镜头前，导演要求二人四目交投、深情对望，镜头后就笑声此起彼落，事关他们太熟络，要扮情深恋人实在不容易。Jay笑说：「我唔想Feanna喺度，佢一望我就会忍唔住笑！」同样地Feanna每次定神望Jay也连场爆笑，直至视线离开对方，背向对方望左望右才可以冷静下来，非常夸张。Feanna说：「我同Jay太熟了，私下经常联络，不过佢唔识中文，所以我哋平常喺手机会用火星文沟通，我用广东话拼音嘅英文字，但佢就用英文拼音，例如我写GMG即系『知唔知』，又例如『你』字，我用nei 佢就用nay，虽然各有各写法但沟通到，而且啲对话拼埋一齐好得意，旁边人未必睇得明，但我哋习惯咗就明，仲打得好快。」

今次合唱圣诞版，Jay非常感谢Feanna，他视为圣诞礼物。他开心地说：「好多谢Feanna送咗一份咁好嘅圣诞节礼物畀我，我喺故事里本来只系一个单身汉，有佢加入，一双一对，个故事就完美啦！」Feanna却佻皮地说：「可惜歌词话我要你等10年，至肯安定落嚟返你身边。」被问到若真有如此情深男士痴心守候，Feanna会否仍然决意撇下对方出去闯荡？她说：「如果有个男仔咁锺意我，我会好感动，不过我依家得18岁，咁细个，当然要先完成学业见识过世界之后，至会安定落嚟组织家庭。」