【头条独家】双J恋浅水湾撑枱脚行沙滩 罗天宇搞掂戴祖仪

去年，32岁罗天宇(Joey)跟拍拖4年的汤洛雯分手，两人强调无可能复合，而男方亦透露今年继续单身过圣诞，感情事方面，「要认真考虑，事业为先。」话口未完，一向「识食」嘅Joey原来已有新对象，新欢又系叫Joey，佢系星梦力捧新人，喺《多功能老婆》中饰演周柏豪女友嘅戴祖仪(Joey)。日前晚上7点，双J喺浅水湾约会撑枱脚，笑住食甜住倾，再玩人哋只狗传情，食饱再贴住行沙滩，其间曾疑似拖手，恭喜罗天宇，今年圣诞唔使做单身狗嘞。采访:张咏森

罗天宇曾于访问透露今年第二年单身过圣诞，艺人讲感情真系一成都唔好信，事关Joey访问后无耐已被本报记者拍摄到佢约戴祖仪去浅水湾撑枱脚。

玩狗传情
当晚7点，双J喺浅水湾一间半露天餐厅食饭，两人拣选近门口位坐低，两人食得好开心，不断讲不断互相递电话畀对方睇，罗天宇动作好多令本来穿黑色外套的男方热到要除外套露出白Tee，变相情侣装。 因为隔离枱食客带咗两只狗仔，同样爱狗的双J一齐蹲低玩狗，男方更帮女方同狗仔影相，非常体贴。

沙滩漫步
又食又倾又玩狗坐足两个钟终于埋单，由罗天宇找数，离开后两人又蹲低玩另一只狗，玩够就行去便利店买水，然后又贴住行返转头落沙滩散步，中途疑似拖咗几秒手，唔知系咪怕太扬，两人行咗一分钟就走，之后经商场行去停车场，由罗天宇驾车离开。