嫌兄弟冇提早报喜 钱嘉乐寸：懒把闭咁，叫陈大春啦！
2019-12-10 14:15 
钱嘉乐、黄智雯、杨诗敏（虾头）及胡渭康，前晚为无綫节目《娱乐大家》进行录影，提到舞台剧《今晚打老虎》下月公演，嘉乐与智雯透露已开始排练约一个礼拜，剧中仲有不少前辈级座阵，包括罗冠兰、袁富华及虾头等，自己为晚辈要虚心学习。问到排练时可否爆肚？嘉乐笑道：「少少啦！监制潘嘉德搵得我都唔想我一字一句照稿读。」智雯则满有信心表示接得住对方的爆肚，她笑说：「平时我好似好钝咁，但我上台会上身㗎！」
嘉乐又大爆罗冠兰对他有意见，他笑谓：「罗冠兰唔锺意我爆肚㗎！但都要接受我，因为之前合作过，知我管唔到。佢已经剔晒，写晒我嘅爆位，叫我唔好再加，以免演出时佢接唔到。」此外，对于陈小春于台北个唱宣布太太应采儿怀孕3个月，嘉乐说：「打咗畀佢啦！我都系透过记者话我知！依家懒把闭咁，人不如其名，应该叫『陈大春』。」
另菊梓桥（Hana）与吴若希（Jinny）的不和传闻再次炒热，对于Hana于社交网撰文自称是简单的人，Jinny认为没有特别，又承认跟对方欠缺默契，她说：「合作我喜欢大家有来有往，佢唔系我类型，佢喺镜头前好柔弱。」
關鍵字
最新回应