罗仲谦曾为老婆冬夜跳海 汪明荃：杨怡几任性㗎

罗仲谦跟老婆杨怡于2011年合作剧集《On Call 36小时》挞著，拍拖5年后于2016年结婚，至今恩爱如昔。
罗仲谦在昨晚播出的综艺节目《娱乐大家》真假话题环节自爆「曾为追女仔深夜冬天跳海」，被问是否杨怡时，他都拒答；但主持人汪明荃（阿姐）开口问，他就乖乖回答：「系」。谦仔说当时在港岛一个沙滩：「佢大我，又睇唔出我真系咁大胆跳」，阿姐即谓：「杨怡几任性㗎，佢做过我个女」；当得知阿怡当时答应谦仔肯跳就做他女友，阿姐再谓：「咁抵啦你，又识游水，教练嚟嘅，难唔到你」。
谦仔谓当时除净内裤跳落海由沙滩游出浮台，并大叫：「可唔可做我女朋友？」阿姐续问：「你上咗嚟佢满唔满意你做法？」罗仲谦说：「最蚀底…唔知佢满唔满意…」这时有人笑说「冷缩热胀」，坐在阿姐身旁的森美就想歪不停在狂笑，阿姐忍不住出手打森美说：「咪嘈啦！」阿姐再问：「佢有冇应承？」谦仔答：「冇。（有冇后悔？）有，谂返系好危险，因为冇救生员。」总括阿姐都信罗仲谦讲真话，并强调：「佢真系好锺意阿怡。」