【头条独家】为𠱁囝囝开心 Coffee周围搵迷你篮球

2019-11-28 23:57

Coffee（林芊妤）自从一年前生了网红B仔伯伯（昵称）后，一切都以囝囝行先，接受《头条》专访时，更讲明怕囝囝唔黐自己，宁愿继续喂人奶。呢日宠仔无极限的Coffee，单独现身铜锣湾，去运动用品铺搵小朋友玩具，原来早两日伯伯爱上玩篮球，廿四孝妈咪就即刻做嘢，周围搵个迷你版畀心肝椗玩罗！采访：梁志明

Coffee囝囝翟德彦（因外型老积被昵称伯伯），凭住米芝莲肥美身材，加埋充满佬味的样貌及厌世表情，个人社交平台粉丝已冲破10万，随时多个不少艺人及KOL。身为伯伯头号粉丝的Coffee，接受《头条》访问时亦自爆喂囝囝人奶到𠵱家，全因自己变态唔舍得放手，怕唔喂人奶囝囝就唔再黐自己。

囝囝锺意玩波波
𠵱家伯伯13个月大，开始学行同识同人玩，早几日Coffee喺伯伯ig分享带住伯伯陪老公翟志荣去打篮球，点知伯伯爬住都要同嗲哋争波玩，离开时更加攞住个大篮球唔肯放手，Coffee当然知道囝囝锺意咗玩波波，但正常size篮球伯伯根本玩唔到，梗系要即刻搵个啱伯伯手形的小篮球啦！

话口未完呢日下午3点几，就见到Coffee单拖现身铜锣湾，见佢去㩒完钱就一个箭步上咗间铺头，仲即刻问职员系咪有小朋友玩具卖，好快就搵到个价钱24蚊啱晒伯伯玩嘅小篮球，不过Coffee好小心，睇完一轮再影埋相先去畀钱，相信佢为搵波波都行咗好多间铺，见佢走人时攞住电话系咁讲，帮囝囝买到啱口水玩具个满足样，写晒上面啦！