【头条独家】接捧派福利 33C李君妍骚葫芦身材冇得输

2019-11-28 18:17

由张志明监制的TVB旅游节目《3日2夜》捧红唔少「波女」，32.5C「蜜桃胸」陈庭欣、34E「细龙太」陈伟琪、36E「导弹」陈婉衡及34C激凸身材嘅张曦雯等，个个样靓身材正，著上泳衣索到爆。而新一辑韩国篇就由27岁，33C-24-35小花李君妍接捧大派福利，首次喺镜头前著上比坚尼登场，她形容非常紧张，唔多满意身型：「因为《3日2夜》女仔个个身型好好，拍摄期间不停系咁食，而且正值谷M，其实我可以再瘦啲同fit啲㗎！」采访：方骞平

今次由李君妍拍潘梓锋赴韩国取景，除咗去当地打卡位参观，又可以食好西，寓工作于娱乐：「我哋去咗忠清南道食酱油蟹，参观鱼市场，又去埋睇花卉展览同埋灯饰祭…我好锺意影相，呢个行程好啱我，最特别系初尝酱油蟹，原来几好味，所以反应好真实。」拥有骄人身材的君妍著上泳装登场依然紧张：「好惊冻，因为天气都开始转凉冇乜人游水，好彩拍摄当日泳池keep住30几度水温，中午时又有阳光，所以冇起鸡皮，唔怕激凸，泳池边有杯cocktail，饮两啖酒精饮品好暖胃。」