【头条独家】搭上杨秀惠沈卓盈富贵旧爱卫诗雅同新欢Ray甜爆行超市

2019-11-28 21:00

好多嘢倾
Ray负责推购物车，卫诗雅就负责发掘零食，全程两人都好好倾。 — 好多嘢倾 Ray负责推购物车，卫诗雅就负责发掘零食，全程两人都好好倾。

刚过35岁的影坛多产女星卫诗雅(Michelle)之前声称单身三年，仲话生日只系约朋友食饭。答得随意，其实今年Michelle生日一定好甜蜜，事关佢拍拖嘞。新欢麦伟汶(Ray)同娱圈都好有渊源，因为佢两位前度都系娱圈中人，一个杨秀惠，一个沈卓盈，仲要两位都已经系人妻兼嫁得非常好。日前傍晚七点，Michelle同Ray去铜锣湾行超市买零食，新鲜情侣无拖手无揽锡，但男方对女方非常呵护，轻扶吓腰又摸吓手踭，两人笑住拣零食又贴到好埋，恭喜你呀卫诗雅。采访:梁志明

轻触女方
Ray会轻扶Michelle条腰，又会捉住Michelle个手踭，有爱呀。 — 轻触女方 Ray会轻扶Michelle条腰，又会捉住Michelle个手踭，有爱呀。

贴住拣嘢
无论拣水拣豆浆定拣零食，两个都系黐住嘅。 — 贴住拣嘢无论拣水拣豆浆定拣零食，两个都系黐住嘅。

今年9月，本报影到Michelle同大只男行家俬铺，两人黐住睇电话疑似有嘢，事后Michelle面红兼流汗否认，强调系朋友，仲话无机会发展，佢话，「依家会想睇定啲先，宁愿拣一个啱嘅之后结婚，每次拍唔啱都系伤。」

新欢曾经好火爆
唔知Ray系咩人，但佢应该好识同女艺人相处，回带去到2010年，当年杨秀惠承认同金融才俊Ray拍拖，到13年盛传杨秀惠同沈卓盈争仔，之后沈大师就同咗Ray拍拖，女方仲搬去男方价值亿四嘅四千尺豪宅礼顿山同居，但拍咗两年几就分手，当年有新闻话两人闹交，Ray仲嬲到打爆咗架MINI嘅挡风玻璃。每个人都有过去，隔咗咁多年，Ray肥咗又稳重咗，同卫诗雅亦非常衬。

不时耳语
Ray好识氹Michelle开心，不时耳语氹得Michelle哈哈笑。 — 不时耳语 Ray好识氹Michelle开心，不时耳语氹得Michelle哈哈笑。

好耐无见
自Ray同沈卓盈于16年分手后就无再喺娱乐版见过佢，无见三年，大只咗好多，hi Ray。 — 好耐无见自Ray同沈卓盈于16年分手后就无再喺娱乐版见过佢，无见三年，大只咗好多，hi Ray。

卫诗雅不停甜笑
当晚七点，卫诗雅同Ray喺铜锣湾时代广场嘅超市玩兜圈，系呀，两个人系咁喺零食区域兜嚟兜去，然后又去睇豆浆，又去睇水，留意返，两人睇任何嘢都系贴住行，Michelle个笑容好甜，Ray又不时喺Michelle耳边讲嘢，眉梢眼角渗出甜味，明显有嘢啦。两人玩兜圈玩到忘我，突然间，Michelle发现记者，同Ray耳语一阵就闪先，剩返Ray找数，好大只嘅Ray礼貌问记者属边间报馆，然后再去停车场会合Michelle先一齐离开。