【头条独家】难得浪漫 中环戴口罩拍拖 刘青云同老婆白酒送火腿
2019-11-14 21:30 
好多明星出街都锺意带口罩，保护自己免受不必要骚扰，刘青云夫妇都系口罩拥护者，每次两公婆陪青云父母去睇医生，或者两公婆去中环买嘢，口罩是必须的。上周二下昼5点，见到一身便服嘅刘氏夫妇去中环ifc行街，从两人睇水牌又企餐厅门口睇餐牌嘅动作可知，两公婆肚饿想搵嘢食，然后两人拣咗间西餐厅，仲坐正可以望街嘅落地玻璃窗位，一碟火腿加多士两份食，再配橙汁同白酒，Cheers。采访:张咏森
今年9月，由刘青云主演的电影《我的宠物是大象》未能如期上映，令电影公司及投资商损失严重，早前已引发多宗官司。青云收钱拍戏，上唔到完全唔关佢事。而翻查资料，呢期刘青云未有戏拍正值休假中，不过佢同老婆郭蔼明都系低调之人，无必要都唔会出席公开活动，乐得清静。
两公婆ifc搵嘢食
上周二下昼5点，刘氏夫妇着到好轻便现身ifc，刘太拎住tote bag，刘生拎住个citysuper胶袋，两公婆喺商场兜咗一阵，见佢哋睇吓水牌，见到餐厅又会望吓人哋啲餐牌，举动话畀人知佢哋搵紧嘢食，两人唔拣择，搵咗一阵就入咗一间西餐厅。
青云夫妇开心Share
餐厅有好多位，但两公婆唔坐餐厅中心位置，选择坐喺可以望街嘅落地玻璃窗位，即出面有人行过，可以180度欣赏两人食嘢嘅风采，刘氏夫妇份人都几有趣，行为低调但又唔怕食嘢畀人望住。等咗一阵，侍应送上一杯橙汁同一杯白酒再加一份杂锦火腿，内有火腿、多士、芝士同青瓜，每样少少，仲要两公婆Share，明显当下午茶，快食20分钟就离开，两人一离开ifc，七人车就校啱时间到达，上车后青云仲同记者讲bye bye。
最新回应