【头条独家】放弃自己 由索女变凸腩扒女 杜如风烂挞挞超麻甩

44岁「世界级港女」杜如风（Helen），主持旅游节目出晒名癫、丧、狂，所以好受观众欢迎，因为湿疹问题要长期食类固醇搞到体重直线上升，包包面胀爆上镜。当事人自知肥肿难分，可惜减肥失败。日前下午，见到素颜Helen喺铜锣湾等车，着住自家Tee加四个骨裤，好街坊嘅佢腰粗凸腩相当赶客，加上佢挨墙动作又不断捽鼻，仲要将纸包饮品放喺地下，要饮先喺地下拎上嚟，行为极度麻甩。难怪Dry咗几年嘅佢，一路呻冇拖拍，大家明点解啦！采访：梁志明

Helen主持日本旅游节目出晒名，特色系锺意讲乜就讲乜，够晒真情流露，佢最锺意晒自己疯狂购物买名牌买到手软，搞到买爆行李箧而回。但自恋自大作风唔系个个Buy，尽管你有你闹，但佢有佢继续吸金搵银，除咗旅游节目长做长有，佢做星级导游带团先最襟计，由8万8千蚊到18万不等，系咁多名人最昂贵嘅一个，但仍然有唔少捧场客。

等车唔聚财
16年Helen饱受丧父之痛，搞到湿疹发作，长期食类固醇令体重直线上升。曾自嘲「肥过部货车」的她，曾试过饮杂菜汤、到美容院做机，以及用食疗和中医针灸等多管齐下减磅，可惜修身效果反覆，18年初曾经成功瘦过，但之后又反弹。日前素颜嘅Helen，着住自己17年创办嘅时装品牌FUNGOLIA Tee，再配Vans布鞋同Hermes袋，一身街坊look喺铜锣湾百德新街等车，虽知道繁忙时段嘅百德新街人多车多，所以Helen喺街头等咗十几分钟先上到车，等车期间佢唔多耐烦，揸住包柠檬茶放喺地下无耐又拎上手饮，来回几次，跟住又Loop一阵电话又Send吓Msg。等车感觉好煎熬嘅Helen等到攰仲要挨喺人哋铺头，摸吓下爬，又不断捽眼捽鼻，从佢行为可见明显周身唔聚财，十分钟唔使已可见证Helen嘅麻甩行为，唔怪得连传咗10年绯闻男友黄又南都话只当佢系兄弟！