【头条独家】做YouTuber好enjoy 张坚庭叹茶睇电脑入晒神

64岁的张坚庭，与杨受成女儿杨诺思婚后育有两子一女。他做过导演，也曾是演员，去年他在YouTube开设频道，给自己一个言论空间；至今1年多，已有逾5万订阅者。早前难得空闲他便到铜锣湾行街买嘢食，买完凤梨酥，再买滴鸡精补身，之后攰攰哋就坐低叹杯冻柠茶。见他一坐低就急不及待开电脑，之后睇到入晒神好enjoy，松一松后就等司机接载返屋企。 采访：梁志明

近年张坚庭已很少做幕前工作，至去年突然在YouTube开设频道，他表示想留个空间给自己发言，内容环绕饮食、健康、旅行、教育，甚至政治，想讲咩就讲咩。他坦言做YouTuber乜都要一脚踢，虽然拍片质素有待改进，但不乏捧场客，开了一年多已有逾5万订阅者，200几段影片累积观看次数有800几万，他称成绩已超出他的预期，做得算唔错喇。

一支公好轻松
早前张坚庭趁有时间独自到铜锣湾白沙道行街，经过钜记就入去兜个圈，试食咗曲奇同凤梨酥，见他食得好滋味，之后立刻扫番两盒紫菜肉松味的凤梨酥走人。跟住他途经余仁生，见门口有新产品推介，当他考虑买唔买时，店员笑晒口出嚟兜售，唔使300蚊盒滴鸡精，他又决定买嚟试吓。行到攰，佢行咗去茶餐厅叹杯冻柠茶，一坐低他就即刻攞部电脑出嚟，见他睇到好入神，非常enjoy。逗留咗约半个钟，他就行去利园山道坐车离开。