【头条名人】再游京阪冇艳遇 王大业爱港女多过㗎妹

「皮草太子爷」王大业（Andy）一向爱到日本东京朝圣，去得多都会闷，所以早前转去大阪和京都旅游，皆因京都有个限时举行的「光之盛典」，非常有趣；在大阪又有得睇同品牌有关嘅Art Gallery，同样吸引。其馀时间他主要去shopping，最开心买到当地新兴品牌Girls Don't Cry的Tee，最难忘则是贪玩着浴衣去行街，他表示好满意自己个日本look，连日本人见到都赞。问到艳遇，他笑言没有，并称香港女仔较适合他。 撰文：李佩仪

Andy表示十年冇去过京阪，今次再去感觉没有太大转变。而他先游京都，日头看寺院，晚上再去下鸭神社看「光之盛典」，他笑言：「神社入面有好多发光嘅波波，好似人咁高，有时光有时暗，真系好得意！」因为限时举行，所以太多人令他入场时要排队近一小时，但他表示都值得。第二日他立即去Girls Don't Cry的Pop-Up Store买Tee，他坦言：「因为个designer同好多品牌、乐团同艺术家都做过crossover，所以突然爆红，几百蚊件Tee可以炒到几千蚊，好在我识人可用原价买。」

锺意着浴衣
玩咗两日，Andy接着去大阪，他开心可以到茑屋书店看画展「Life with ART」，他笑言：「全部画同品牌有关，仲有我锺意嘅Brand，唔贵嘅，大约二、三千蚊一幅，但我冇买，因为我唔想拎。」此行最特别是他租了浴衣去行街，他坦言：「贪玩租嚟着吓，行咗半日，唔焗又舒服，我都几满意自己个look，日本人见到都话good！」至于艳遇呢，他笑言：「冇吖，（锺意日本女仔吗？）唔抗拒，不过都系香港女仔啱我多啲。」