生日承诺用爱报答太太 Steven多谢囝囝送便便大礼

张致恒（Steven）昨日35岁生日，老婆雯雯与7个月大儿子天宝，还有爱犬为他庆生，雯雯在ig留言：「简简单单过咗个12:00，生日快乐爸爸！继续锡呢个家，希望你可以每日都笑，万大事仲有呢个家陪住你。」Steven即以爱的宣言回应：「老婆我爱你，仲会爱你一世㗎！」

之后Steven再在自己的ig贴文：「多谢大家嘅生日祝福，细个嘅时候生日总会约一班friend出去劈酒，到人大咗有咗家庭之后，就边度都唔想去净系想喺屋企同老婆同个仔简简单单咁过，我嘅生日愿望好简单，净系想个仔健健康康快高长大，睇佢读书，睇佢做嘢，睇佢结婚，我就心满意足！仲要多谢我嘅老婆，辛苦佢帮我生咗个超级可爱个仔，我会用我一生嘅爱去报答佢！」他更分享替囝囝清理便便的相，可惜失败了，他开心留言：「最后嗰张相要多谢我个仔送俾我咁大份生日礼物，搞到我变咗张绅士（身屎）。」