【头条独家】带病同李绮虹东京做节目　谭小环自夸出镜为造福人群

2019-11-10 20:40

1994年港姐冠军谭小环跟同届季军李绮虹喺ViuTV节目《香港亲善小姐》中重聚，距离参选25年，两人接近「入五」，但冇乜走样。小环还自爆：「好记得当日李绮虹笑我个头够大，可以戴到个冠军后冠，结果真的一语中的。」采访：方骞平

小环冇见绮虹20年，今次齐齐做节目犹如跟老友重逢话当年，大家开心到不得了：「大家声线、性格都冇变，绮虹依然好率直，唯一系做咗妈咪后比以前成熟淡定咗。我哋一聚埋，好多回忆返晒嚟，仲记得当日李绮虹笑我个头够大啱戴个后冠，呢句多年后依然好深刻。其实当年有好多强敌，除绮虹外仲有亚军活丽明、陈芷菁、张可颐、黄金己莹等。」

好少理鱼蛋档
谭小环同李绮虹要为节目齐赴东京拍摄，小环形容呢个系窝心Trip，可惜啱啱赶完ViuTV处境喜剧《娱乐风云》，连续捱咗两晚通顶，辛苦到想死咁滞，去到东京又遇上打大风，工作时间及作息大混乱，行程又紧密，搞到感冒不适要病住开工，不过佢话非常好玩，辛苦啲都值得：「我同绮虹会素颜睡衣look出镜，又会走访东京介绍特式店铺，包括有男士提供服务嘅Cafe。」忙碌过后，两公婆飞咗去美加及日本充电20多日，问到小食店由谁管理？小环大笑说：「小食店有团队经营嘛，𠵱家我好少理，可以退居幕后啦，哈！其实我系为观众眼福著想，乜你唔觉得因为有我出现，𠵱家个电视更吸睛咩？我都系造福人群咋。」