【孔刘好暖】《82年生的金智英》做人老窦嘅请入场

为孔刘而入场，其实「金智英」就系女主角郑裕美，入场前已知孔刘戏份唔多，唔紧要，有佢就好。电影改编自狂销100+万册嘅韩国争议性得奖小说，探讨韩国女性生活的《82年生的金智英》。小说好黐线，一推出「金智英」三字成为热话，甚至轰动韩国社会，女团少女时代成员秀英及Red Velvet队长Irene曾公开表示自己是读者后，引起大批男Fans不满，怒称两人是女权主义者，甚至要烧佢哋相片泄愤，无嘢呀嘛!(刚上映)
撰文:廖思慧

金智英(郑裕美饰)家有一个姐姐同细佬，自细读书成绩非常好，搵到份好工，但因为身份问题，做女人要嫁要生仔，公司高层认为畀你升到好高职位都无用，然后无视你嘅努力，二拣一特训都拣个渣过你嘅，唔抵?系㗎。咁点?无㗎，一系默默妥协，一系好嬲咁妥协。

睇到个心实晒
嫁咗畀垈贤(孔刘饰)嘅智英，生咗个女，生活看似好快乐，但佢唔只满肚郁闷，系郁到个人都病埋，病到点，病到好似鬼上身咁，突然变咗另一个人，吓亲孔刘，仲吓到佢妈妈好内疚。电影仲有好多职场及家庭嘅不公平现象，如衰格男同事对女同事嘅言语歧视，家庭重男轻女传统思想等等，女人唔易做，做人新抱更阴功，全片最有印象有两Part，第一系金智英变成外婆同妈妈讲心底话，极级催泪，另外就系戏中奶奶刻薄新抱，其实自己当年都被欺压，几十年后点解要做当年自己讨厌嘅事?最后，孔刘角色好暖，佢一喊好想抱住。郑裕美好靓，好想同佢讲句加油。