【头条独家】新戏演夫妻够默契卫诗雅叹嬲林德信唔落

2019-11-07 18:30

卫诗雅和林德信（Alex）最近在「香港亚洲电影节」开幕电影，以前「包山王」、攀石运动员黎志伟真人真事改编的《狮子山上》中，首度合演夫妻，虽然两人第一次有大量感情戏，但出奇地有默契。诗雅大赞导演选角出色，纵然角色有婚外情，但因Alex有种魅力令人「嬲佢唔落」；而Alex就赞诗雅精湛演技，令他感动到流下男儿泪。撰文：杜淑霞摄影：李维隆发型：Nikoo Chan(卫诗雅)、Negan Leung(林德信)@Hair Corner(CWB) 化妆：Kayte Fung(卫诗雅)、Aimie Cheung(林德信) 服装：Lane Crawford(卫诗雅) 场地：R One Space(铜锣湾)

诗雅和Alex虽然拍摄前未听过黎志伟的故事，但知道后都大赞对方意志力好惊人，饰演对方角色的Alex感受更强烈，「我唔敢谂自己如果好似佢咁遇到交通意外，搞到半身不遂，可唔可以好似佢咁有毅力，去完全自己嘅梦想，但我都系比较正面谂嘢，呢个故仔系一个好好嘅讯息，话畀人听遇到困难一定要够正面。」

导演选角出色
讲到初次合作，诗雅和Alex都觉得沟通得好好，Alex仲大赞「老婆」演出令他感动，「有场戏讲我哋喺床度倾偈，佢讲咗句『如果有下世，我唔会再拣你！』听见真系好心酸，我都忍唔住好自然喊咗出嚟。」戏中演Alex太太的诗雅，明知他有外遇，依然为他生仔，仲不离不弃撑起成头家，诗雅自问本身爱恨分明得多，「佢个角色，其实系个好自私嘅男人，佢无论爱情、家庭定事业，咩都系谂自己先，如果我系佢太太，发现有第三者就一定忍唔到，可能会带埋个仔走都未定。不过导演选角好好，Alex有个特质就系做唔好嘅嘢，都嬲佢唔落，观众唔会憎咗佢。」问到现实中Alex会如何抉择，他直言一定会拣番老婆，「唔锺意就唔会结婚啦！」仲话好锺意小朋友，将来都想做老窦，但依家仲未搵到对象。